Acte de confirmacion solemna dera Lei deth Règim Especiau d’Aran presidit peth President dera Generalitat de Catalunya, Artur Mas e deth Sindic d’Aran, Carlos Barrera

Eth President dera Generalitat de Catalunya, Artur Mas, acompanhat deth sindic d’Aran, Carlos Barrera presidiren er acte de confirmacion solemna dera Lei deth Regim Especiau dera Val d’Aran aprovada peth Parlament de Catlaunya eth passat dia 21 de gèr, damb era signatura dera Lei d’Aran en version aranesa.

 

En sòn parlament, eth Sindic d’Aran e president de Convergéncia Democratica Aranesa a remercat “qu’era Lei d’Aran arreconeish ath Conselh Generau era plea capacitat d’exercir en territòri d’Aran totes es sues competéncies e traspassi actuaus e futurs. Mos dòte tanben d’esturments de gestion politica entà hèr qu’era Val d’Aran pogue garantis es servicis qu’a de besonh eth pòble aranés entà poder auançar en nauees oportunitats de progrés e benèster” .

 

Per sua part, eth President  dera Generalitat, Artur Mas, ena sua intervencion a remercar “eth dret a decidir deth pòble aranés”.

 

Er acte a compdat tanben damb era preséncia  deth conseller dera Presidéncia dera Generalitat Francesc Homs, Jordi Turull, president deth Grop Parlamentari de CiU, er Alcalde de Vielha e Mijaran e Diputat Alex Moga (Secretàri Generau de Convergéncia Aranesa) e des exsindics e exconselhèrs, atau coma dera de conselhèrs der actuau Govèrn Aranés.