Àlex Moga, presente es linhes estrategiques dera Man der Aranesisme

Eth Secretari General de CDA-PNA presente es linhes estrategiques dera Man der Aranesisme ath Conselh Nacional dempús que eth Comitè Executiu Nacional de Convergéncia Aranesa les aprovèsse inicialment. Ara ath Conselh Nacional li tocarà ratificar aguestes linhes estrategiques entà començar eth trebalh que durarà enquiar an 2015, que en un nau Congrès les aurà de renovar.

Aguestes linhes se definissen en un marc ideològic, dejà aprobat en IIau. Congrès de CDA-PNA e en dues linhes programatiques; “Aran a dret a decidir, laguens de Catalunya” e “Eth melhor companh de viatge der Aranesisme ei eth Catalanisme”. Eth desvolopament d’aguestes dues linhes programatiques darà coma resultat un marc de desvolopament dera Man der Aranesisme a trauèrs de dus Plans d’Accions (Intèrn e Nacional), cau díder qu’aguesti se desvoloparàn tamb quate mesures de transverssalitat que ajudaràn a arténher es objectius plantejadi.

Quan s’aje acabat de definir es linhes de trebalh tamb es objectius específics e accions especifiques se desvoloparà paralellament un Plan d’Accion Exteriora que aurà coma objectiu daurir er aranesisme en territòri catalan.