CDA diboishe er espaci polític centrau d’Aran

Convergéncia Aranesa celebrèc agèr en Vielha, en marc deth procès de debat e reflexion que està portant a tèrme entara creacion d’un nau espaci polític en Aran, ua conferéncia entà debate es naui límits que configuren er espaci polític centrau en Aran.

Aguest nau espaci siguec debatut en base a un informe de reflexion politica qu’eth Secretari Generau de CDA, Àlex Moga, presentèc e qu’establís es principaus amenaces e reptes qu’a era societat aranesa e Aran coma País. Era jornada compdèc tamb era participacion de 40 persones que se mostrèren fòrça actives en debat.

Era pròplèu jornada de debat e reflexion s’enmarcarà en dessenh deth nau model d’organitzacion politica que se vò impulsar e crear. En paraules deth Secretari generau “començam a saber a on ei eth centre polític en Aran, era següent etapa de trebalh ei era creacion d’un model d’organitzacion politica atractiu, innovador, transformador e colectiu. Ac contonharam hènt compdant tamb era participacion de toti e totes. Un esturment ath servici deth pòble aranés que decidirà eth pòble aranès”.