CDA redessenhe era sua web entà promòir era participacion dera ciutadania

Era web ei www.convergencia-aranesa.org

Convergéncia Aranesa (CDA-PNA) a redessenhat era sua web entà facilitar era participacion dera gent en procès de creacion deth nau espaci polític. Tamb eth lèma “tu as era paraula”.

A partir d’auè era gent qu’ath desire pòt participar, tanben, per internet. Enquiara sonque ac podie hèr presenciaument. Ena madeisha web tanben i a era possibilitat de vèir es resultats deth procès de participacion que dejà s’a portat a tèrme.

Enquiath dia 30 de mai ei dubèrt eth termini entà que totes aqueres persones qu’ath desiren poguen participar ramplint era dusau enquesta. Dies dempús presentaram es resultats dera participacion tant dera prumèra enquesta (que dejà se pòden descargar dera web) coma dera dusau, que amassa tamb es autes jornades de debat e reflexion portades a tèrme marcaran eth dessenh deth camín deth nau espaci polític. Enquiath mes d’octobre i aurà mès jornades de participacion que acabaràn de configurar es documents estratègics que se sotmeteràn a aprovacion en Congrès que se preve celebrar en mes d’octobre.

Rebrembam qu’aguest dijaus, 12 de mai, entàs 20,00 ores en Era Audiovisuau de Vielha celebram ua Conferéncia tamb eth títol “Des informes de posicion deth Vaticà ara defensa deth futur d’Aran”.