CiU GUANHE ES ELECCIONS EUROPÈES ENA VAL D’ARAN

mapa-europees

Es fòrces aranesistes que dan supòrt a Catalonha augmenten eth sòn supòrt electorau peth deuant des espanholistes Eth passat dimenje, se celebrèren en Euròpa es eleccions ath Parlament Europèu tamb resultats e sorpreses fòrça importantes. En clau aranesista, CiU guanhèc es eleccions ena Val d’Aran, per prumèr viatje ena istòria, en paraules deth Secretari Generau “s’a votat en clau aranesista e aquerò mos a dat era victòria. Era ciutadania a entès eth nòste messatje e mos a plaçat ath deuant entà contunhant liderant er aranesisme enes pròplèu mesi”. Tanben cau destacar, era fòrta baishada de dues fòrces majoritàries e tostemp guanhadores en Aran, eth PSOE e eth PP qu’an perdut fòrça supòrt electoral. En er aute biais dera lectura electoral ERC a artenhut es melhors resultats dera democràcia en Aran, en tot demorar-se quarta fòrça politica mès tamb un creishement fòrça important. IC Verds tanben a auec ua fòrta pujada e d’autes formacions coma Podemos o PACMA artenhèren resultats discrets. Er Aranesisme en ges enfortit en tot destacar que es fòrces que dan supòrt ath procès que viu Catalonha an artenhut es melhors resultats en tot supeant eth 45%. En declaracions deth Secretari Generau de Convergéncia Aranesa “ena Val d’Aran tanben s’està transformant era societat e dejà comencen a dar supòrt ara opcion aranesista que vò èster ath costat de Catalonha entà preservar es nòstes institocions, era nòsta identitat, era nòsta cultura, era nòsta lengua e eth nòste autogovèrn. Celebram er exit e tamb era benvenguda a toti aquerì que mos an dat supòrt as fòrces que trebalham pera pervivéncia der aranesisme. Contunharam trebalhant en aguesta linha”. Eth detalh deth resultat des eleccions le pòden trapar en tot clicar aciu www.convergencia-aranesa.org