Conferéncia en Vielha: “des informes de posicion deth Vaticà ara defensa deth futur d’Aran”

Eth pròplèu dia 12 de mai entàs 20,00 ores en Era AudioVisuau de Vielha (antic cinema) e, en marc des trebalhs que Convergéncia Aranesa està portant a tèrme entà crear eth nau espaci polític en Aran, organitzam ua Conferéncia tamb eth títol: “des informes de posicion deth Vaticà ara defensa deth futur d’Aran”.

Er objectiu dera madeisha ei, contextualitzar eth present accelerat que viuem e méter ath dessús dera taula elements de debat e reflexion as reptes e amenaces que mos vieràn en un espaci de temps fòrça cuèrt. Ei un acte dubèrt ath públic e que aprohondís ena vertadèra creacion d’un nau espaci polític transformador e colectiu entà dar solocions ad aguesti reptes e amenaces coma País.

Convergéncia Aranesa a daurit es pòrtes e dejà mès de 70 persones an participat, opinat e parlat sus era constroccion deth nau espaci polític en Aran, volem que tu sigues eth protagonista, ei a díder es persones e eth País. Aquera ei era nòsta motivacion. Volem que sigue un projècte collectiu, de toti e totes.