Er Alcalde de Vielha, Àlex Moga, candidat a Deputat ath Parlament

“Ei ena man des aranesi e araneses, qu’era Val d’Aran age representacion en Parlament de Catalonha” aguestes paraules definissen er objectiu estratègic der Alcalde de Vielha e Mijaran, Àlex Moga, entà presentar era sua candidatura a Deputat en Parlament de Catalonha per CiU.

Àlex Moga, de 35 ans, qu’ath marge d’Alcalde, ei Secretari General de Convergéncia Aranesa, membre deth Comitè Executiu Nacional de CDC, Conselhèr Nacional de CDC, membre deth Comitè Executiu dera ACM e a estat tanben Directiu e Delegat de Pirinèus dera Federacion Catalana de Futbol, entre d’auti,  se presente en ua legislatura que se prevèe istorica e que poderà marcar ath futur camín compartit de Catalonha e Aran.

“Tanben ei important qu’eth Pirinèu comence a caminar coma ua marca pròpia e un projècte común entre toti es territòris entà projectar-la a nivèu torístic e crear eth marc adequat entara sua potenciacion e definicion economica en futur”, declaracions deth candidat a Deputat, Àlex Moga.