Èxit ena I Jornada entà crear era naua Convergéncia Aranesa

Convergéncia Democratica Aranesa (CDA-PNA) a iniciat eth camín entà renauir e crear eth nau projècte polític entàs pròplèus ans. Era jornada, tamb ua durada de dues ores, s’a desvolopat en dues fases. Era prumèra, es mès de quaranta assistents ara jornada an amplit un qüestionari tamb noranta preguntes que s’a estructurat en dus grans blòcs: Bases ideologiques (model nacionau, model econòmic, model sociau, trebalh e empresa, regeneracion democratica, Qualitat democratica, drets e libertats) e Bases organitzatives.

Ena dusau fasa s’a entrat en un debat intens e constructiu en que s’a plantejat entre d’auti eth model de societat que volem crear, era estructura organitzativa e eth dret a decidir.

Era següenta Jornada, era dusau, se darà compde deth resultat dera enquesta e se’n harà ua auta mès especifica que detalharam eth dia dera jornada. Es enquestes, entà garantir era totau transparéncia deth tractament des madeishes, an estat portades en inici dera jornada e un viatge finalitzades se les an tornat a emportar raomplides entà extreiguer-ne eth resultat que serà sometut a toti es que l’an hèt e a d’auti qu’auè non an pogut préner part ena Jornada.

En paraules deth Secretari Generau, Àlex Moga, “auem artenhut un exit notable. Era gent a ganes de renauir-se e de tornar a formar part deth projècte polític centrau deth País. Continuaram trebalhant ena linha de dar era paraula ara gent e nosati canalitzar-les entà poder renauir e modernitzar eth projècte polític de Convergéncia Aranesa”.