Se presente eth projècte “der aranesisme”

Agèr, ena sedença de Convergéncia Aranesa en Vielha, eth secretari general dera formacion, Àlex Moga, presentèc eth projècte que vò construïr er aranesisme deth sègle XXI.

“Er aranesisme deth sègle XXI s’enfrente a un des majors rèptes dera nòsta istòria milenària. Èm deuant de diuèrses variables que condicionen e meten en perilh era existéncia dera nòsta identitat en futur” èren declaracions der Alcalde de Vielha e Mijaran a on tanben destacaue “Auem plantejat era refundacion der aranesisme en sègle XXI, aguesta ei era nòsta apòsta, que se base ena resèrva dera nòsta identitat, ena defensa des nòsti valors e en reconeishement a ua lengua e ua identitat milenària en Euròpa e unica en mon”.

Entà amiar a tèrme aguesta projècte, s’a constituït ua comission de trebalh, en sen de CDA-PNA,  que trebalharà en un projècte “ambiciós, realista, plural, integrador e actual, que vò defensar era identitat deth pòble aranès e eth sòn reconeishement nacional tamb er objectiu dera sua pervivença en futur”

Àlex Moga, convidaue a toti es assitents, mès de cinquanta persones ena tarde d’agèr, a “premanir-se entà moments dificils mès tanben illosionants e istorics, que mos an de convidar a sajar de méter lo melhor de cadun deuant des desafiaments en qu’era societat mos a plaçat”.